Karam Se Unke Taiba Ja Raha Hu Naat Lyrics

Karam Se Unke Taiba Jaa Raha Hu
Sharaf Kaisa Main Aala Paa Raha Hu


Milega Phir Se Ramzan e Madina
Ke Umre Ki Sa'adat Paa Raha Hu


Ata Hogi Mujhe Bhi Deed Unki
Ye Hasrat Dil Me Lekar Jaa Raha Hu


Do Aalam Kha Raha Hai Jinka Sadqa
Unhi Se Bheek Lene Jaa Raha Hu


Kisi Ko Apna Gam Kyun Kar Sunau
Unhi Ko Gham Sunane Jaa Raha Hu


Unhi Ke Dar Pe Meri Ruh Nikle
Faqat Ye Arz Lekar Jaa Raha Hu


Jo Naate Hind Me Padhta Raha Hu
Wo Ab Unko Sunane Jaa Raha Hu


Mere ALLAH Meri Laaj Rakhna
Dare Khairul Wara Par Jaa Raha Hu


Labo Se Choom Lunga Sange Aswad
Ke Daage Dil Mitane Jaa Raha Hu


Musalsal Hazri Yuhi Ata Ho
Tamanna Arz Karne Jaa Raha Hu


Sunau Haal e Dil Ro Ro Ke Unko
Khataaye Bakhshwane Jaa Raha Hu


Mile Aye Kaash Taiba Me Shahadat
Tadap Dil Me Ye Lekar Jaa Raha Hu


Ata Hai Hind Ke Raja Ki Ahmed
Madine Ko Main Phir Se Jaa Raha Hu

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel