Parda Rukhe Anwar Se Jo Utha Shabe Meraj Naat Lyrics

Parda Rukhe Anwar Se Jo Utha Shabe Meraj
Jannat Ka Hua Rang Do Baala Shabe Meraj.

Hooron Ne Bhi Gaaya Hai Tarana Shabe Meraj
Khaliq Ne Muhammad Ko Bulaya Shabe Meraj

Aye Rehmate Aalam Teri Rehmat Ke Tasadduq
Har Ek Ne Paaya Tera Sadqa Shabe Meraj

Jis Waqt Chali Shahe Madina Ki Sawaari
Sajde Mein Jhuka Arshe Mu'alla Shabe Meraj

Mehmaan Bulane Ke Liye Apne Nabi Ko
Allah Ne Jibreel Ko Bheja Shabe Meraj

Ye Shaane Jalaalat ke Nihaayat Hi Adab Se
Jibreel Ne Aaqa Ko Jagaaya Shabe Meraj

Jibreel Bhi Hairaan Huwe Dekh Ke Rutba
Sidra Se Qadam Jab Ke Badhaya Shabe Meraj

Jibreel Take Ho Gaye Sarkaar Rawaana
Woh Takta Huwa Reh Gaya Sidra Shabe Meraj

Humraah Sawari Ke The Afwaaj Malaaik
Ban Kar Chale Is Shaan Se Dulha Shabe Meraj

Muddat Se Jo Armaan Tha Woh Aaj Nikaala
Hooron Ne kiya Khoob Nazaara Shabe Meraj









© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel