Tere Daamane Karam Mein Jise Neend Aa Gayi Hai Naat Lyrics

Tere Daamane Karam Mein Jise Neend Aa Gayi Hai
Jo Fanaa Na Hogi Aisi Use Zindagi Mili Hai

Mujhe Kya Padi Kisi Se Karu Arz Mudda`Aa Mai
Meri Lau To Bas Unhi Ke Dare Jood Se Lagi Hai

Woh Jahaan Bhar Ke Daata Mujhe Pher Denge Khaali
Meri Tauba Aye Khuda Ye Mere Nafs Ki Badi Hai

Main Gunaahgaar Hu Aur Bade Martabo Ki Khwaahish
Tu Magar Kareem Hai Jo Teri Banda Parwari Hai

Jo Paye Sawaal Aaye Mujhe Dekh Kar Ye Bole
Ise Chain Se Sulaao Ke Yeh Bandaye Nabi Hai

Main Maru To Mere Maula Ye Malaaika Se Keh De
Koi Is Ko Mat Jagaana Abhi Aankh Lag Gayi Hai

Teri Yaad Thapki Dekar Mujhe Ab Shahaa Sulaa De
Mujhe Jaagte Hue Yoon Badi Der Ho Gayi Hai

Aye Naseeme Kooye Jaana Zaraa Sooye Bad Naseebaan
Chali Aa Khuli Hai Tujh Pe Jo Humaari Bekasi Hai

Tera Dil Shikastah Akhtar Isi Intizaar Mein Hai
Ke Abhi Naweede Waslat Tere Dar Se Aa Rahi Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel