Shahenshahe Do Aalam Ka Karam Hai Naat Lyrics

Shahenshahe Do Aalam Ka Karam Hai
Mere Dil Ko Mayassar Unka Gham Hai

Yahi Rehte Hain Woh Jaane Bahaaraan
Ye Dunya Dil Ki Rashke Sad Iram Hai

Ye Darbaare Nabi Hai Jis Ke Aage
Na Jaane Arshe Aazam Kab Se Kham Hai

Bhala Daawe Hain Unse Hum-Sari Ke
Sare Arshe Bari Jin Ka Qadam Hai

Taras Khaao Meri Tishna Labi Par
Meri Pyaas Aur Yeh Ik Jaam Kam Hai

Dile Betaab Ko Behlaau Kaise
Badhegi Aur Betaabi Sitam Hai

Yahaan Kaabu Mein Rakhna Dil Ko Akhtar
Ye Darbaare Shahenshaahe Umam Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel