Meri Qismat Ko Jagaa Do Ya Rasool Naat Lyrics

Meri Qismat Ko Jagaa Do Ya Rasool
Ek Jhalak Apni Dikha Do Ya Rasool

Khwaab Me Tashreef La Kar Ek Baar
Deed Ka Sharbat Pilaa Do Ya Rasool

Umr Bhar Teri Sanaa Khwaani Karu
Har Rukaawat Ko Hataa Do Ya Rasool

Aa Gaya Beemaar Aye Mere Tabeeb
To Shifaaye Kaamila Do Ya Rasool

Woh Kabhi Bhi Uth Nahi Sakta Jise
Tum Nigaahon Se Giraa Do Ya Rasool

Umr Isiyaan Ke Sabab Barbaad Hai
Tum Khataaye Bakshwa Do Ya Rasool

Na Kahu Tum Se To Phir Kis Se Kahu
Meri Bigdi Ko Banaa Do Ya Rasool

Baksh Dega Har Khata Meri Khuda
Tum Zara Lab Ko Hilaa Do Ya Rasool

Chaand Ko Ungli Se Mehde Paak Me
Jis Taraf Chaaho Jhuka Do Ya Rasool

Tum Jo Chaho To Phira Kar Shams Ko
Raat Ko Bhi Din Bana Do Ya Rasool

Sooi Mil Jaaye Andhera Bhi Ho Gar
Tum Jo Aa Kar Muskura Do Ya Rasool

Gair Ke Dar Par Mai Jaau Kis Liye
Jab Talab Se Tum Siwaa Do Ya Rasool



Hai Bada Weeran Shaha Qalbe Ubaid
Apne Jalwon Se Basaa Do Ya Rasool

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel