Mai Sajda Karu Ya Ke Dil Ko Sambhalu Naat Lyrics

Mai Sajda Karu Ya Ke Dil Ko Sambhalu
Ke Aaqa Ki Chaukhat Nazar Aa Rahi Hain
Isi Bekhudi Me Kahi Kho Na Jaau
Tadap Noor Waale Ki Tadpa Rahi Hain

Do Aalam Ka Daata Mere Saamne Hai
Ke Kaabe Ka Kaaba Mere Saamne Hain
Ada Kyun Na Farze Muhabbat Karu Mai
Khuda Ki Khudayi Jhuki Ja Rahi Hain

Gale Main Hai Zulfe To Neechi Nigaahe
Nazar Choomti Hai Madine Ki Raahe
Farishte Bhi Badh Kar Qadam Choomte Hai
Muhammad Ki Jogan Chali Aa Rahi Hain

Faqeeri Ka Mujh Me Nahi Hai Saleeqa
Na Aata Hai Kuch Maangne Ka Tareeqa
Idhar Bhi Nigaahe Karam Noor Waale
Zamaane Ki Jholi Bhari Ja Rahi Hain

Farishton Sare Raah Ankhen Bicha Do
Uttho Behre Tazeem Sar Ko Jhuka Do
Khuda Keh Raha Hai Mere Dil Ruba Ki
Woh Dekho Sawaari Chali Aa Rahi Hain

Ye Farmaya Haq Ne Ke Pyaare Muhammad 
Humare Ho Tum Hum Tumhare Muhammad
Hume Apne Jalwon Me Aye Kamli Waale
Tumhari Hi Soorat Nazar Aa Rahi Hain

Ye Jazba Muhabbat Hai Rehmat Khuda Ki
Hai Chaukhat Mere Saamne Mustafa  Ki
Mujhe Kyun Na Ho Naaz Qismat Pe Muslim
Muhabbat Kahaan Ki Kahaan La Rahi Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel