Khuda Ka Zikr Kare Zikre Mustafa Na Kare Naat Lyrics

Khuda Ka Zikr Kare Zikre Mustafa Na Kare
Hamare Munh Me Ho Aisi Zubaan Khuda Na Kare

Dare Rasool Pe Aisa Kabhi Nahi Dekha
Koi Sawaal Kare Aur Woh Ataa Na Kare

Madina Ja Ke Nikalna Na Shehar Se Baahar
Khuda Na Khwasta Ye Zindagi Wafaa Na Kare

Nabi Ke Qadmon Pe Jis Dam Ghulaam Ka Sar Ho
Qaza Se Keh Do Ke Ik Lamha Bhi Kaza Na Kare

Aseer Jis Ko Bana Kar Rakhen Madine Me
Tamaam Umar Rihayi Ki Woh Dua Na Kare

Kaha Khuda Ne Shafa’at Ki Baat Mehshar Me
Pehal Habeeb Kare Koi Doosra Na Kare

Sha-oore Naat Bhi Ho Aur Zubaan Bhi Ho Adeeb
Woh Aadmi Nahi Jo Inka Haq Adaa Na Kare

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel