Khaak Sooraj Se Andheron Ka Izaala Hoga Naat Lyrics

Khaak Sooraj Se Andheron Ka Izaala Hoga.
Aap Aaye To Mere Ghar Me Ujaala Hoga

Hashr Mein Unka Har Ik Chaahne Waala Hoga
Mere Sarkaar Ka Aalam Hi Niraala Hoga

Ishqe Sarkaar Ki Ik Shamma Jalaalo Dil Mein
Baad Marne Ke Lahad Mein Bi Ujaala Hoga

Jab Bhi Maango To Waseele Se Unhi Ke Maango
Is Waseele Se Karam Aur Do Bala Hoga

Hashr Mein Hoga Woh Sarkaar Ke Jhande Ke Tale
Meri Sarkaar Ka Jo Chaahne Waala Hoga

Hashr Mein Usko Bhi Seene Se Lagayenge Huzoor
Jis Gunahgaar Ko Har Ek Ne Taala Hoga

Silaa-e-Naate Nabi Paaunga Jis Din Khalid
Woh Karam Dekh Na Tum Dekhne Waala Hoga

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel