Bulalo Phir Mujhe Aye Shahe Behrobar Madine Me Naat Lyrics

Bulalo Phir Mujhe Aye Shahe Behrobar Madine Me
Mai Phir Rota Huwa Aau Tere Dar Par Madine Me

Na Daulat De Na Shohrat De Mujhe Bas Ye Sa’aadat De
Tere Qadmo Me Marjaoon Me Ro Ro Kar Madine Me

Madine Jaane Waalo Jaao Jaao Fi Amanillah
Kabhi To Apna Bhi Lag Jaayega Bistar Madine Me

Mera Gham Bhi Toh Dekho Mai Padaa Hu Door Taiba Se
Suqoon Paayega Bas Mera Dile Muztar Madine Me

Salaame Shauq Kehna Haajiyon Mera Bhi Ro Ro Kar
Sunaana Dastane Gham Meri Ro Kar Madine Me

Madina Is Liye Attar Jaano Dil Se Hai Pyaara
Ke Rehte Hain Mere Aaqa Mere Dil Bar Madine Me

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel