Aye Qaza Thehar Ja Unse Karlu Zara Naat Lyrics

Aye Qaza Thehar Ja Unse Karlu Zara
Ik Haseen Guftagoo Aaakhri Aaakhri
Aur Koi Tamanna Nahi Ba Khuda
Hai Yahi Aarzoo Aakhri Aakhri

Aansoon Ki Jo Rut Hai Badal Jaayegi
Jaan Aaraam Se Phir Nikal Jaayegi
Pooch Le Gar Zara Haal Haazra Mera
Baith Kar Rubaru Aaakhri Aaakhri

Mere Ghar Mein Woh Jis Waqt Aa Jaayenge
Unke Daaman Se Pal Pal Lipat Jaayenge
Saamne Unke Naino Ko Kar Waayenge
Aasuoon Se Wuzu Aaakhri Aaakhri

Meri Halat Ba Zaahir To Kamzor Hai
Unke Gham Se Badi Saans Ki Dor Hai
Pohoch Jaau Faaqat Unke Qadmon Talak
Hai Yahi Justajoo Aakhri Aakhri

Isse Pehle Ke Uth Kar Chale Jaaye Woh
Kissa E Gham Mukammal Na Sun Paaye Woh
Hosh Kar Be-Khabar Waqt Hai Mukhtasar
Bol De Lafz Tu Aakhri Aakhri

Unki Basti Mein Le Chal Mujhe Chaara Gar
Dekhni Hai Wo Galiyaan Faaqat Ik Nazar
Chahati Hai Nigaah Unki Ho Baargah
Dekhlu Chaarsoo Aakhri Aakhri



Raat Dhalte Hi Yeh Lafz Ruk Jaayegi
Toot Kar Shaakh Saanson Ki Jukh Jaayegi 
Aise Lagta Hai Ab To Yeh Hakim Mujhe
Hogi Subho Namoon Aakhri Aakhri

 

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel