Aao Mere Nabi Ki Shaan Suno Naat Lyrics

Aao mere Nabi ki shaan suno
Nabi hai bolta Qur'an suno

Habeeb Pyaara nazar uthaaye to Maula Qibla badal de
Kahi Ye chaahat kahi ye kehna aye Moosa aana sambhal ke
Khuda hai in pe meherbaan suno
Nabi hai bolta Qur'an suno

Nabi ka sajda hua hai lamba Hussain pusht pe baithe
Tere nawaase ke jin Ke jode Khuda ne Khuld se bheje
Hai Jibraeel bhi darbaan suno
Nabi hai bolta Qur'an suno

Namaze di thi pachaas Rab ne Nabi ne paanch karaayi
Hai dekho kitna khayale ummat hai Nabi ne baat banaayi
Wahi hai Arsh ka mehmaan suno
Nabi hai bolta Qur'an suno

Nabi ke aashique Bilaal e Habshi hai jin ke Arsh pe charche
Bilaal Jab bhi Azaan dete Sahaba ishq me rote
Bilaal e Habshi ki Azaan suno
Nabi hai bolta Qur'an suno

Hussaini jazba ubhaarta hai Ali ke naam ka naara
Yazeediyo ko pachadta hai Ali ke naam ka naara
Ali hai Mustafa ki Shaan suno
Nabi hai bolta Qur'an suno

Nabi Ke azmat pe pehra dena Raza ne hum ko sikhaaya
Nabi ka dushman hai apna dushman Raza ne hum ko bataya
Raza se Ishq ki pehchaan suno
Nabi hai bolta Qur'an suno

Nabi Ke nazre rahe Ujaagar isi se apna guzaara
Nabi ka saaya rahe salaamat yahi hai apna sahaara
Nabi ke kitne hai ehsaan suno
Nabi hai bolta Qur'an suno

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel