Zarre Jhad Kar Teri Paizaaron Ke Naat Lyrics

Zarre jhad kar teri paizaaron ke
Taaje sar bante hain saiyyaaron ke

Hum se choron pe jo farmayen karam
Khil-ate zar bane(n) pushtaaron ke

Mere Aaqa ka woh dar hai jis par
Maathe ghis jaate hain Sardaaron ke

Mere Isaa tere sadqe jaaoon
Taur be taur hai beemaaron ke

Mujrimo chahshme tabassum rakhkho
Phool ban jaate hai angaaron ke

Tere abru ke tasadduq pyare
Band karre hain giraftaaron ke

Jaano dil tere qadam par waare
Kya naseebe hain tere yaaron ke

Sidqo Adlo Karam wa Himmat mein
Chaar soo shohre hain in chaaron ke

Behre tasleeme Ali maidaa(n) mein
Sar jhuke rehte hain talwaaron ke

Kaise Aaqao ka banda hoon Raza
Bolbaale meri Sarkaaron ke


© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel