Ya Rasoolallah Karam Naat Lyrics

Isyaan mein dooba sar basar,
aamal nek hain sifar
Sadqe mein Ghous e Paak ke
kar do karam ki ek nazar.

Tum ho Rasoolon ke Rasool
door hon ranj o malool
Sadqe mein Ghous e Paak ke
karlo ghulamoon main qabool.

Allah ke ho tum habeeb,
dono jahaan ke ho tabeeb
Sadqe mein Ghous e Paak ke
ho rooh ko shifa naseeb.

Shakir e Razvi ke Huzoor,
hon maaf sab ke sab kusoor
Sadqe mein Ghous e Paak ke
dar’ain ka mile suroor.

Na kaheen se door hain manzilein,
na koi kareeb ki baat hai
Jise chahein usko nawaaz de,
yeh dar e habeeb ki baat hai.

Jise chaha dar pay bula liya,
jise chaha apna bana liya
Ye bade karam ke hain faisle,
yeh bade naseeb ki baat hai.

Ba Khuda nahin, woh Khuda nahin,
woh magar Khuda se judaa nahin
Woh hain kiya magar woh hain kiya nahin,
yeh Muhib Habeeb ki baat hai.

Woh machal ke rah main reh gayein,
yeh tadap ke dar se lipat gayein
Woh kisi ameer ki shaan thi,
yeh kisi ghareeb ki baat hai.

Tujhe aye Munawware be nawaa,
dar e shah se chahiye aur kiya?
Jo naseeb ho kabhi saamna,
toh bade naseeb ki baat hai.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel