Tumhare Joodo Karam Ka Koi Hisaab Nahi Naat Lyrics

Tumhare Joodo karam ka koi hisaab nahi
Tumhare Husn ka jag me koi jawaab nahi

Ataa kiya jo Khuda ne tumhe mere Aaqa
Yaqeenan uski tarah aur koi kitaab nahi

Tumhare qadmon me dono jahaan ki behbood
Tumhare dar se phira jo wo kaamyaab nahi

Tumhi Habeeb ho Rab ke tumhe chuna Rab ne
Tumhari misl Shaha koi intekhaab nahi

Tumhare Dar pe mila phir se Haziri ka Sharaf
Sukoon Zahn me hai dil me izteraab nahi

Magar ye kooch ka manzar to hai Qayamat khaiz
Ke Aankhen nam hain aur is dil ko ab hai Taab nahi

Jo apni jaame jam aankhon se wo pilate hain
Jahaa me uski tarah to koi sharaab nahi


Karaya deed unhe jaagte me Aaqa ne
Raza ke ishq o mahabbat ka koi jawab nahi
Shifa Ali ko ho aashobe chashm se fauran
Luaabe Aaqa ke jaisa koi luaab nahi

Jo chashma Aaqa ki ungli se ho gaya jari
Jahaan me us ki tarah aur koi aab nahi

Ghulamiye Shahe Kaunain me jo milta hai
Kisi bhi kaam me aisa koi sawaab nahi

Unhi ka Noor hai maaho fataab me SHAKIR
Hai jag me kuun jo is dar se faizyaab nahi

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel