Sultane Karbala Ko Hamara Salaam Ho Salaam Lyrics

Sultan e Karbala ko hamara salam ho
Jaanan e Mustafa ko hamara salaam ho.

Abbas alamdaar hain zakhmon se choor choor
Us paikar e Raza ko hamara salaam ho.

Akbar se naujwaan bhi ran mein huwe shaheed
Hum shakle Mustafa ko hamara salaam ho


Asghar ki nanhi jaan pe lakhoon durood ho
Mazloom o be khata ko hamara salaam ho.

Bhai bhateeje bhanje sab ho gaye nisaar
Har lal e be baha ko hamara salaam ho

Ho kar shaheed qaum ki kashti tira gaye
Ummat ke nakhuda ko hamara salaam ho

Nasir wilaye shah main kehta hai baar baar
Mehmaan e Karbala ko hamara salaam ho

Sultane Karbala Ko Hamara Salam ho
Jaanaane Mustafa Ko hamara Salam ho

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel