Sidra Se Bhi Aage Kaun Gaya Naat Lyrics

Sidra se bhi aage kaun gaya jibril e amin se poocho
meraj ka dulha kaun bana jibril e amin se poocho

Kya hai tauqeer e shah e umam

Insaan se ho paye na raqam
kya farshe zamin kya arshe bari

Sab hai aaqa ke zere qadam
Sultan e madina ka rutba jibril e amin se poocho

Sidra se bhi aage kaun gaya jibril e amin se poocho

Gibril se rabne farmaya

Jannat ki sawari lekar jaa
mehboob se ye jaakar kehdena

Abb aake kare wo sher zara
fir kaise hui tamil e khuda jibril e amin se poocho
Sidra se bhi aage kaun gaya jibril e amin se poocho 

Hai mehwe rahat shah e deen,

Shasopanj may hai jibril e amin
bedar kare kaise seh ko,

Ho jaye kahi na beadbi
taazime nabi hoti hai kya jibril e amin se pooch
Sidra se bhi aage kaun gaya jibril e amin se poocho

 
Paas aake rasool e azam ke

Paoo ke janib khade hue
taazim baja laye pehle

Fir paoo pe noori lab rakh ke
talwo ko diya hai kyun bosa jibril e amin se poocho

Sidra se bhi aage kaun gaya jibril e amin se poocho

Aqsa may sawari jab pohnchi

Nabiyo ki jamaat haazir thi
karne ko adaa rab ka sajda

Saf basta jamaat khadi hui
hai sharf e imamat kise mila jibril e amin se poocho
Sidra se bhi aage kaun gaya jibril e amin se poocho
 
Pohnche aakhir us manzil per 
jalte hai jahan jibril ke par
jibril ruke sarkaar badhe 
pohnche hai arsh e azam par
mehman e khuda hai kaun bana jibril e amin se poocho