Shuru Se Hai Bas Is Ummat Ka Naara Ya Rasoolallah Naat Lyrics

Shuru se hai bas is ummat ka nara Yaa Rasool Allah
Badi tehqeeq se hum ne pukara Ya Rasool Allah

Yamama jung me kuffar bhi takbeer padhte the
Farak tha momin me aur kaafir me naara Ya Rasool Allah

Sahih muslim me likha hai sahaba ne lagaya tha
Madine ke Gali Koocho me naara Ya Rasool Allah

Ali farmate hai jab hum Nabi ke saath chalte the
Pahado pattharo ne bhi pukara Ya Rasool Allah

Kuch aisa hai jo hum se kehte hai yeh shirk o bida’at hai
Unhi ke peero murshid ne pukara Ya Rasool Allah

Shafa’at lazmi hogi usiki dekh lena tum
Baroz e Hashr bhi jisne pukara Ya Rasool Allah

Imam e Aazam ho ya ho Imam e Zainulabidin
Padho inke akayd dekho naara Ya Rasool Allah

Qasam Rab ki mere Aaqa sama’at kar rahe hoge
Zara mil kar lagao tum bhi naara Ya Rasool Allah

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel