Sayyide Kaunain Sultaane Jahaan Naat Lyrics

Is naat sharif ke padhne me dono hont nahi milte

Sayyide Kaunain sultaane jahaa(n)
Zille yazdaa(n) shahe dee(n) arsh aastaa(n)

Kul se aa'la kul se aula kul ki jaa(n)
Kul ke Aaqa kul ke Haadi kul ki shaa(n)

Dilkusha dilkash dilaara dilsitaa(n)
Kaane jaano jaane jaano shaane shaa(n)

Har hikaayat har kinaayat har ada
Har ishaarat dil nasheeno dil nishaa(n)

Dil de dil ko jaan jaa(n) ko noor de
Aye jahaane jaano aye jaane jahaa(n)

Aankh de aur aankh ko deedaare noor
Rooh de aur rooh ko raahe jinaa(n)

Allah Allah yaas aur aisi aas se
Aur yeh hazrat yeh dar ye aastaa(n)

Tu sana ko hai sana tere liye
Hai sana teri hi deegar daastaa(n)

Tu na tha to kuch na tha gar tu na ho
Kuch na ho tu hi to hai jaane jahaa(n)

Tu ho daata aur auro se Raza
Tu ho Aaqa aur yaade deegaraa(n)

Iltijaa is shirko shar se door rakh
Ho Raza tera hi gair az eeno aa(n)

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel