Sachchi Baat Sikhaate Yeh Hain Naat Lyrics

Sachchi baat sikhaate yeh hain
Seedhi raah chalate yeh hain

Doobi naave(n) tiraate yeh hain
Hilti naave(n) jamaate yeh hain

Tooti aase(n) bandhate yeh hain
Chooti nabze(n) chalate yeh hain

Jalti jaane(n) bujhaate yeh hain
Roti aankhen hasaate yeh hain

Kasre dana tak kis ki rasaayi
Jaate yeh hain aate yeh hain

Us ke naaib in ke saahib
Haq se khalq milaate yeh hain

Shaafe' Naafe' Raafe' Daafe'
Kya kya rehmat laate yeh hain

Shaafe'ye ummat Naafe'ye khalqat
Raafe' rutbe badhaate yeh hain

Daafe' yani haafeezo haami
Daf'ae bala farmaate yeh hain

Faize jaleel khaleel se poocho
Aag mein baagh khilaate yeh hain

Un ke naam ke sadqe jis se
Jeete hum hain jilaate yeh hain

Us ki bakhshish in ka sadqa
Deta woh hain dilaate yeh hain

In ka hukm jahaa(n) mein naafiz
Qabza kul pe rakhaate yeh hain

Qaadire kul hain naaibe akbar
Kun ka rang dikhate yeh hain

Inke haath mein har kunji hain
Maalike kul kehlaate yeh hain

Inna aa'taina kal kauthar
Saari kasrat paate yeh hain

Rab hain mo'ti yeh hai qaasim
Rizq uska hai khilaate yeh hain

Maatam ghar mein ek nazar mein
Shaadi shaadi rachate yeh hain

Apni bani hum aap bigaade
Kaun banaaye banaate yeh hain

Laakhon balaaye karodon dushman
Kaun bachaye bachate yeh hain

Bande karte hain kaam ghazab ke
Muzda raza ka sunaate yeh hain

Naz'ae rooh mein aasaani ke
Kalma yaad dilaate yeh hain

Marqad mein bando(n) ko thapak kar
Meethi neend sulaate yeh hain

Baap jaha bete se bhaage
Lutf waha farmaate yeh hain

Maa jab ik laute ko chhode
Aa aa keh ke bulaate yeh hain

Sankho(n) bekas rone waale
Kaun chupaaye chupaate yeh hain

Khud sajde mein gir kar apni
Girti ummat uthaate yeh hain

Nango(n) be nango(n) ka parda
Daaman dhak ke chupaate yeh hain

Apne bharam se hum halko(n) ka
Palla bhaari banaate yeh hain

Thanda thanda meetha meetha
Peete hum hain pilaate yeh hain

Sallim sallim ki dhaaras se
Pul par hum ko chalaate yeh hain

Jis ko koi na khulwa sakta
Woh zanzeer hilwaate yeh hain

Jin ke chappar tak nahi unke
Moti mahal sajwaate yeh hain

Topi jin ke na jooti un ko
Taajo buraaq dilaate yeh hain

Keh do Raza se khush ho khush reh
Muzda Raza ka sunaate yeh hain

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel