Ranginiye Gulaab Na Gulzaar Chahiye Naat Lyrics

Ranginiye Gulaab Na Gulzaar Chahiye
Taiba Ke Dasht Ka Mujhe Ik Haar Chahiye

Dunya Na Mujh Ko Maal Ka Ambaar Chahiye
Chashme Karam Huzoor Ki Ik Baar Chahiye

Kaaba Ki Azmate Mujhe Tasleem Hai Magar
Meri Jabeen Ko Koocha E Sarkaar Chahiye

Ye Aarzoo E Dil Hai Ada Yoon Namaaz Ho
Sajdon Ke Waaste Tera Darbaar Chahiye

Hai Khuld Ki Talab Na Kisi Hoor Se Garaz
Mujh Ko Huzoor Aap Ka Deedaar Chahiye

Unke Gunahgaar Ko To Chahiye Karam
Unke Karam Ko To Bhi Gunahgaar Chahiye

Dekhe To Sirf Aap Ko Dekhe Na Ghair Ko
Mujh Ko Aisi Nazar Shah E Abraar Chahiye

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel