Pohnchu Agar Main Rauzaye Anwar Ke Saamne Naat Lyrics

Pohnchu Agar Main Rauzaye Anwar Ke Saamne
Sab Haale Dil Bayaan Karoon Sarwar Ke Saamne

Jaali Pakad Ke Arz Karoon Haale Dil Kabhi
Aansu Baha’un Main Kabhi Mimbar Ke Saamne


Jannat Ki Aarzoo Hai Na Khwahish Hai Hoor Ki
Tukda Mile Zameen Ka Tere Dar Ke Saamne

Hai Aarzooye Dil Ki Main Hindustaan Ko Chod Kar
Bistar Jama’un Rozaye Anwar Ke Saamne

Yoon Meri Maut Ho To Hayaate Abad Mile
Khaake Madina Sar Pe Ho Sarwar Ke Saamne

Nikle Jo Jaa(n) To Dekh Ke Gumbad Habeeb Ka
Madfan Bane To Rauzaye Athar Ke Saamne

Jaari Hai Al atash Ki Sadaa Har Zabaan Par
Mela Laga Hai Chashma-E-Kausar Ke Saamne

Hai Qaadri Jameel Ki Ye Arz Aakhri
Ho Qabr Is Ki Rauza-E-Athar Ke Saamne

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel