Meri Zindagi Meri Aabroo Naat Lyrics

Meri Zindagi, Meri Aabroo, Ye Ataaye Yade Rasool Hai
Ye Jo Dard Hai To Qarare Jaan, Hai Agar Ye Zakhm To Phool Hai

Jo Teri Nigah Mein Aa Gaya, Woh Badi Panah Mein Aa Gaya
Tere Waaste Se Hai Mut’Maeen, Tere Waaste Hi Malool Hai

Meri Zindagi, Meri Aabroo, Ye Ataaye Yade Rasool Hai

Mera Soz Bhi Mera Saaz Bhi Mera Dil Bhi Dil Ka Gudaaz Bhi
Meri Chashme Tar Ki Bahaar Hai Mujhe Jaano Dil Se Qubool Hai

Meri Zindagi, Meri Aabroo, Ye Ataaye Yade Rasool Hai

Tu Fida Hai Hoor O Kusoor Par, Mujhe Naaz Zikr E Rasool Par
Teri Khuld Kaisi Hai Tu Bata Meri Khuld Koo E Rasool Hai

Meri Zindagi, Meri Aabroo, Ye Ataaye Yade Rasool Hai

Tere Zikr Ki Hai Ye Barkaten, Mere Bigdey Kaam Savar Gaye
Jahan Teri Yaad Hai Dil Nashin, Wahin Rehmato Ka Nuzool Hai

Meri Zindagi, Meri Aabroo, Yeh Ataaye Yade Rasool Hai

Yahi Aarzu Jo Ho Surkh-ru Mile Do Jahaan Ki Aabroo
Main Kahu Gulaam Hu Aapka Wo Kahe Ke Humko Qubool Hai

Meri Zindagi, Meri Aabroo, Yeh Ataaye Yade Rasool Hai

Wohi Zindagi To Hai Bandagi Ke Jo Waqfe Naate Rasool Hai
Jo Faqat Unhi Ke Liye Uthey, Wo Nigah Unko Qubool Hai

Meri Zindagi, Meri Aabroo, Yeh Ataaye Yade Rasool Hai

Ye Badey Nasib Ki Baat Hai, Tere Labpe Anjum E Khush Nawa
Kabhi Hamde Rabbe Jalil Hai, Kabhi Naat Paak Rasool Hai

Meri Zindagi, Meri Aabroo, Yeh Ataaye Yade Rasool Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel