Mere Allah Ke Nigaar Salaam Lyrics

Mere Allah Ke Nigaar Salaam
Daste Qudrat Ki Shahkaar Salaam

Dono Aalam Ke Tajdaar Salaam
Jaane Har Jaano Jaandaar Salaam

Khaake Taiba Bane Meri Hasti
Arz Karta Hai Khaaksaar Salaam

Phir Madine Me Kab Bulaoge
Tum Se Kehta Hai Intezaar Salaam

Khuld Kehti Hai Yoon Madine Se
Tujh Pe Aye Khuld Ki Bahaar Salaam

Darde Ulfat Me De Mazaa Aisa
Dil Na Paaye Kabhi Karaar Salaam

Apni Ulfat Ka Aisa Jaam Pila
Jiska Badhta Rahe Khumaar Salaam

Teri Khatir Zaleel Hona Hai
Teri Izzat Mere Waqaar Salaam

Apne Akhtar Ka Lo Salaam Shaha
Tum Pe Aye Jaan Aye Karaar Salaam

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel