Maqbool Dua Karna Manzoor Sana Karna Naat Lyrics

Maqbool Dua Karna Manzoor Sana Karna
Midhat Ka Sila Dena Maqbool Sana Karna

Dil Zikre Shareef Unka Har Subho Masa Karna
Din Raat Japa Karna Har Aan Rata Karna

Seene Pe Qadam Rakhna Dil Shaad Mera Karna
Darde Dile Muztar Ki Sarkaar Dawa Karna

Sansaar Bhikari Hai Jag Daata Daya Karna
Hai Kaam Tumhara Hi Sarkaar Ataa Karna

Kab Aapke Kooche Me Mangta Ko Sada Karna
Khud Bheek Liye Tumko Mangta Ko Nida Karna

Din Raat Hai Taiba Me Daulat Ka Luta Karna
Mangta Ki Dawa Karna Mangta Ka Bhala Karna

Din Raat Khatao Par Hum ko Hai Khata Karna
Aur Tumko Ataao Par Har Dam Hai Ataa Karna

Hum Apne Khatao Par Naadim Bhi Nahi Hote
Aur Unko Ataao Par Har Baar Hai Ataa Karna

Wallah Wo Sun Lenge Aur Dil Ki Dawa Denge
Bekaar Na Jayega Faryaado Buka Karna

Aada Ko Khuda Waala Jab Tum ne Bana Daala
Dushwar Hai Tum Par Kya Mujh Badd Ka Bhala Karna

Taiba Me Bula Lena Aur Apna Banaa Lena
Qaidi Ghum E Furqat Ke Sarkaar Rihaa Karna

Hum Arz Kiye Jaaye Sarkaar Sune Jaaye
Kya Door Karam Se Hai Din Aisa Shaha Karna

Har Daagh Mita Dena Aur Dil Ko Shifa Dena
Aaina Bana Dena Aisi Tu Jila Dena

Parde Me Jo Rehte Ho Parda Hai Chale Aao
Aankhon Me Basa Karna Tum Dil Me Raha Karna

Hu Tishna Magar Saqee Deedar Ke Sharbat Ka
Ik Jaam Mujhe Pyare Lillah Ataa Karna

Hai Pyaas Se Haal Abtar Nikli Hai Zubaa(n) Baahar
Ik Jaam Mujhe Sarwar Kauthar Ka Ataa Karna

Wo Tera Bura Chahe Mumkin Hi Nahi Un se
A'ada Ki Bhalayi Ki Jinko Hai Dua Karna

Duniya Bane Ya Bigde Duniya Rahe Ya Jaaye
Tu Deen Bana Pyare Duniya Ka Hai Kya Karna

Khaya Piya Aur Pehna Achho Se Raha Achha
Kuch Deen Ka Bhi Karle Duniya Ka Hai Kya Karna

Barbaad Na Ho Mitti Is Khaaq Ke Putle Ki
Allah Mujhe Unki Khaaqe Kafe Paa Karna

Kyu Naqshe Kafe Paa Ko Dil Se Na Lagaaye Woh
Hai Aainaye Dil Ki Noori Ko Jilaa Karna

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel