Kyun Kar Na Mere Dil Me ho Ulfat Rasool Ki Naat Lyrics

Kyun kar na mere dil me ho ulfat Rasool ki
Jannat me le ke jaayegi chahat Rasool ki

Chalta hu main bhi qafile waalo ruko zara
Milne do bas mujhe bhi ijazat Rasool ki

Puche jo deeno imaan naqeerain qabr me
Us waqt mere lab pe ho midhat Rasool ki

Tadpa ke unke qadmon me mujh ko gira de shauq
Jis waqt ho lahad me ziyarat Rasool ki

Sarkar ne bula ke Madina dikha diya
Hogi mujhe naseeb shafa'at Rasool ki

Ya Rab dikha de aaj ki shab jalwaye Habeeb
Ik baar to ata ho ziyarat Rasool ki

Daaman me unke lelo panah aaj najdiyon
Mehngi padegi warna adawat Rasool ki

Tu hai ghulaam unka Ubaide Raza tere
Mehshar me hogi saath himaayat Rasool ki

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel