Khaake Madina Hoti Main Khaaksaar Hota Naat Lyrics

Khaake Madina Hoti Main Khaaksaar Hota.
Hoti Rahe Madina Uska Gubaar Hota.

Aaqa Agar Karam Se Taiba Mujhe Bulaate,
Rauze Pe Sadqe Hota Un Par Nisaar Hota.

Mar Mit Ke Khoob Lagti Mitti Meri Thikaane.
Gar Un Ki Rahguzar Par Mera Mazaar Hota.

Bechain Dil Ko Ab Tak Samjha Bujha Ke Rakha.
Baad Iske Ab To Aaqa Nahi Intezaar Hota.

Woh Bekason Ke Aaqa, Bekas Ko Ghar Bulaate.
Kyun Sab Ki Thokaron Par Padh Kar Khwaar Hota.

Aaqa Ab To Bulwa Lo, Mujh Se Mujrim Ko Bhi Paas Apne.
Main Khud Ko Waar Deta Bas Khaaksaar Hota.

Taiba Main Gar Mayassar, Do Gaz Zameen Hoti.
Un Ke Qareeb Basta Dil Ko Karaar Hota.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel