Karam Ke Badal Baras Rahe Hain Naat Lyrics

Karam Ke Badal Baras Rahe Hain
Dilon Ki Kheti Hari Bhari Hai
Yeh Kon Aaya Ke Zikr Jin ka
Nagar Nagar Hai Gali Gali Hai

Diye Dilon Ke Jalaa Ke Rakha
Nabi Ki Mehfil Sajaa Ke Rakhna
Jo Rahate Dil Suqoone Jaan Hai
Woh Zikr Zikre Muhammadi Hai

Jo Gaaliya Sun Ke De Duayen
Bado Ko Apne Galle Lagaye
Saraapa Lutfo Karam Jo Thehri
Woh Mere Aaqa Ki Zindigi Hai

Nabi Ko Apna Khuda Na Mano
Khuda Se Lekin Juda Na Jano
Hai Ahle Imaan Ka Ye Aqeeda
Khuda Khuda Hai Nabi Nabi Hai

Main Apni Qismat Pe Kyun Na Jhoomu
Main Kyun Na Waliyon Ke Dar Ko Choomu
Main Naam Lewa Hu Mustafa Ka
Khuda Ke Bandon Se Dosti Hai

Hai Dosh Par Jin Ke Kamli Kaali
Wohi To Hain Do Jahaan Ke Waali
Koi Sawaali Na Bejha Khaali
Ye Shaan Mere Kareem Ki Hai

Na Mango Dunya Ke Tum Khazaane
Niyaazi Aao Chalein Madine
Ke Badshah Se Bhadh Ke Pyare
Nabi Ke Dar Ki Gadaagari Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel