Kamli Wale To Talab Se Bhi Siwaa Dete Hain Naat Lyrics

Kamli Wale To Talab Se Bhi Siwaa Dete Hain
Aaye Mangta To Woh Sultaan Bana Dete Hain

Yaad Kar Le Jo Koi Dil Se Mere Aaqa Ko
Taiba Waale Use Taibah Me Bula Lete Hain

Dekhe Koi To Sada De Ke Mere Madani Ko
Pal Me Bigdii Hui Taqdeer Bana Dete Hain

Khulq Aisa To Kisi Aur Ne Paaya Hi Nahi
Dushman Aa Jaaye To Chaadar Bhi Bichaa Dete Hain

Zikr Karta Hai Jo Sarkar Ke Mehboobon Ka
Mere Aaqa Use Mehboob Bana Lete Hain

Karte Hain Aake Karam Shaah E Do Aalam Un Par
Jo Bhi Sarkaar Ki Mehfil Ko Saja Lete Hain

Koi Aa Jaaye Agar Jurmon Pe Naadim Ho Kar
Mere Aaqa Usse Kamli Me Chhupa Lete Hain

Gar Koi Naam E Muhammad Ka Waziifa Kar Le
Khwaab Me Aakar Wo Jalwa Bhi Dikha Dete Hain

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel