Jo Har Shai Ki Haqeeqat Hai Naat Lyrics

Jo har shai ki haqeeqat hai jo pinha hai haqeeqat me
Usi ke husn ka jalwa hai iss shamae Risalat me

Mere dil me mohabbat hai mera dil hai ibadat me
Tasawwur me Madina hai mai hun har waqt jannat me

Nabi ke ek ishare se qamar kyun kar na ho tukde
Ke fitrat kaar farma hai hijabaate Naboowat me

Mai keh dunga qayaamat me ke roze imtihaan hai woh
Mera imaan mohabat hai mujhe jaancho mohabbat me

Tera dil to hai jannat me mere dil me hai woh jannat
Yehi to farq hai zaahid ibadat me mohabbat me

Woh muslim jis ko tu ne khaas rehmat se nawaaza tha
Woh ab behad pareshan hai wohi hai ab museebat me

Payambar ki haqeeqat ko koi tehseen kya samjhe
Jo maqta hai takhayul ka woh matla hai haqeeqat main.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel