Jitna Diya Sarkaar Ne Mujh Ko Naat Lyrics

Jitna Diya Sarkaar Ne Mujh Ko
Utni Meri Auqaat Nahi
Yeh To Karaam Hai Unka Warna
Mujh Me To Aisi Baat Nahi

Tu Bhi Wahi Par Jaa Ke Jahaa Par
Sab Ki Bigdi Banti Hai
Ek Teri Taqdeer Banana
Inke Liye Kuch Baat Nahi

Jo Hai Meri Jaan-O-Imaan
Kya Mein Unki Nazar Karu
Paas Mere Ashkon Ke Ilawa
Aur Koi Saugaat Nahi

Ishq Shahe Batha Se Pehle
Muflis-O-Khasta Haal Thaa Mai
Naame Muhammad Ke Mai Qur’ban
Ab Woh Mera Haalat Nahi

Gaur To Kar Sarkaar Ki Tujh Par
Kitni Khaas Inaayat Hai
Kausar Tu Hai Unka Sana Khwan
Ye Maamuli Baat Nahi

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel