Jhoole Jhoole Pyare Muhammad Naat Lyrics

Jhoole jhoole pyare Mohammad
Noor ke jhule me jhoole
Dai Halima jhoola jhulaye
Rehmate aalam jhoole

Inka jhoola rehmat wala
Farsh pe baala arsh se aala
Kehta hai jhulane wala
Saaki e Kauthar jhoole

Aamina bibi ka woh jaaya
Dai Halima ke ghar aaya
Qudsiyo ne mil kar gaaya
Shafaye Mehshar jhoole

Aaqa ke sab naaz uthaye
Waari jaye sadqe jaye
Hooro malaik milkar gaye
Khizr ke rehbar jhoole

Chand sitaaro se khelne wale
Ulta suraj pherne wala
Rab ka jalwa dekhne wala
Deen ke Sarwar jhoole

Bekas o Bebas ke woh mohsin
Dono jahaan ke hai woh mohsin
Gaib se aayi sada yeh mohsin
Noor ke paikar jhoole

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel