Is Karam Ka Karu Shukr Kaise Adaa Naat Lyrics

Is Karam Ka Karu Shukr Kaise Adaa,
Jo Karam Mujh Pe Mere Nabi  Ne Kiya,
Mai Sajaata Hu Sarkaar Ki Mehfilen,
Mujh Ko Har Gham Se Rab Ne Baree Kar Diya.


Lamha Lamha Hai Mujh Pe Nabi Ki Ataa,
Doston Aur Maangoo Mai Maula Se Kya,
Kya Ye Kam Hai Ke Mere Khuda Ne Mujhe,
Apne Mehboob Ka Ummati Kar Diya.


Jo Bhi Aaya Hai Mehfil Main Sarkaar Ki,
Haazari Mil Gayi Jis Ko Darbaar Ki,
Koi Siddique Farooq Usmaan Huwe,
Aur Kisi Ko Nabi Ne Ali Kar Diya


Zikr-E-Sarkaar Ki Hai Badi Barkatein,
Mil Gayi Raahatein, Azmatein Rif’atein,
Mai Gunahgaar Tha, Be Amal Tha Magar,
Mustafa Ne Mujhe Jannati Kar Diya.


Mere Shaahe Madina Ki Kya Baat Hai,
Un Ki Dar Se Mili Sab Ko Khairaat Hai,
Sadqe Jaaon Niyaazi Main Lajpaal Ke,
Har Gadaa Ko Sakhi Ne Sakhi Kar Diya

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel