Hum Bhi Aye Kaash Madine Mein Bulaaye Jaate Naat Lyrics

Hum Bhi Aye Kaash Madine Mein Bulaaye Jaate
Shahe Kaunain Ke Mehmaan Banaaye Jaate

Wajd Mein Hoke Bhi Ek Hosh Ki Dunya Hoti
Parde Aankhon Se Meri Itne Hataaye Jaate

Zindgaani Ko Bhi Jeene Ka Saleeqa Aata
Raat Bhar Unki Huzoori Mein Jagaaye Jaate

Ek Jhadi Aansuon Ki Nazre Aqeedat Karte
Daaghe Isyaan Bhi Isi Tarha Mitaaye Jaate

Aap Ke Qurb Ki Khushbu Ki Sa’adat Ka Nasha
Dekhte Rauza E Purnoor Ko Aate Jaate

Martaba Apna Bhi Shahon Se Zyada Hota
Unki Dehleez Pe Jab Shaad Bithaaye Jaate.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel