Hum Apni Hasrate Dil Ko Mitane Aaye Hai Naat Lyrics

Hum Apni Hasrate Dil Ko Mitane Aaye Hai
Hum Apni Dil Ki Lagi Ko Bujhane Aaye Hai

Kareem Hai Wo Nigah E Karam Se Dekhenge
Hai Daagh-Daagh Dil Apna Dikhane Aaye Hai

Huzoor Bahre Khuda Daastaane Gham Sun Le
Ghame Firaaq Ka Kissa Sunane Aaye Hai

Nigaah E Lutfo Karam Hogi Aur Fir Hogi
Ki Zakhme Dil Pe Ye Marham Lagane Aaye Hai

Faqeer Aapke Darr Ke Hai Hum Kaha Jaye
Tumhare Kooche Me Dhuni Ramaane Aaye Hai

Naseeb Jaag Utha Uska Chain Se Soya
Wo Jis ko Qabr Me Sarwar Sulane Aaye Hai

Naseeb Tera Chamak Uttha Dekh To Noorie
Arab Ke Chand Lahad Ke Sir-hane Aaye Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel