Hota Agar Zameen par Saaya Rasool Ka Naat Lyrics

Hota agar zameen par saaya Rasool ka
Phir paau ummati kahan rakhta Rasool ka

Karte hai ahteraam janaaze ka isliye
Woh ja raha hai dekhne chehra Rasool ka

Padhte hai yoon to ghair bhi kalma Rasool ka
Jannat use milegi jo hoga Rasool ka

Duniya ko dekhna bhi gawaara nahi kiya
Jab tak Ali ne dekha na chehra Rasool ka

Sher e Khuda na banta to banta bhi aur kya
Bachpan hi se jo pala hua tha Rasool ka

Bachpan se meri maa ne mujh ko sabaq diya hai
Maanga karo dua me waseela Rasool ka

Naara Raza ka lagta hai dunya mein isliye
Ahmed Raza ke lab pe tha Naara Rasool ka.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel