Gunahgaaro Ka Roze Mahshar Shafi-Ul-Anaam Hoga Naat Lyrics

Gunahgaaro Ka Roze Mahshar Shafi-Ul-Anaam Hoga
Dulhan Shafa'at Banegi, Dulha Nabi Hoga

Pada Hu Mai Unki Rah Guzar Me Pade Hi Rehne Se Kaam Hoga
Dilo Jigar Farsh Raah Banenge Ye Deedaye Ishq Khiraam Hoga

Unhi Ka Munh Sub Takenge Us Din Jo Wo Karenge Woh Kaam
Duhaayi Sab Unki Dete Honge Unhi Ka Har Lab Pe Naam Hoga

Khuda Ki Marzi Hai Unki Marzi Hai Unki Marzi Khuda Ki Marzi
Unhi Ki Marzi Ye Ho Raha Hai Unhi Ki Marzi Ye Kaam Hoga

Jidhar Khuda Hai Udhar Nabi Hai Jidhar Nabi Hai Udhar Khuda Hai
Khudaayi Bhar Sab Idhar Phiregi Jidhar Woh Aali Maqaam Hoga

Usi Tamana Me Dum Pada Hai Yahi Sahaara Hai Zindagi Ka
Bula Lo Mujh Ko Madina Sarwar Nahi To Jeena Haraam Hoga

Huzoor Rauza Huwa Jo Haazir To Apni Saj Dhaj Ye Hogi Haamid
Khameeda Sar Aankh Band Lab Par Mere Duroodo Salaam Hoga

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel