Gunaaho Ki Aadat Chura Mere Maula Lyrics

Gunaahon ki aadat chura mere Maula,
Mujhe nek insaan bana mere Maula

Jo tujhko, jo tere Nabi ko pasand hai,
Mujhe aisa banda bana mere Maula

Tu masjood mera, mein saajid hoon tera,
Tu malik mein banda tera mere Maula

Tu lega agar adl se kaam apne,
Mein hoon mustahiq naar ka mere Maula

Jo rehmat teri shaamil-e-haal ho to
Thikana hai jannat mera mere Maula

Tujhe to khabar hai main kitna bura hoon,
Tu aibon ko mere chupa mere Maula

Meri ta-qayamat jo nasle ho Ya Rab
Hon sab Aashiq e Mustafa mere Maula

Na mohtaaj kar tu, jahaan mein kisi ka,
Mujhe muflisi se bacha mere Maula

Hain Kaabe pe nazrein Ubaid-e-Raza ki,
Ho maqbool har ek dua mere Maula

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel