Firaaqe Madina Mein Dil Ghamzada Hai Naat Lyrics

Firaaqe Madina Mein Dil Ghamzada Hai
Jigar Tukde Tukde Hua Ja Raha Hai.

Chuda Kar Madina Mera Chain Cheena,
Bata Nafse Zaalim Tujhe Kya Mila Hai.

Meri Aankh Se Cheena Taiba Ka Manzar,
Yeh Kis Baat Ka Tu Ne Badla Liya Hai.

Sikhaya Hai Phir Yeh Muqaddar Ne Mujh Ko,
Na Shikwa Kisi Se Na Koi Gilaa Hai.

Rahu Bas Isi Gham Mein Be Chain Sarwar,
Muqaddar Ne Jo Daaghe Furqat Diya Hai.

Muqaddar Se Jis Ja Rahoon Par Shaha Ho,
Nazar Mein Madina Meri Iltija Hai.

Mere Dil Ke Armaan Rahe Dil Hi Dil Mein,
Yehi Gham Mere Dil Ko Tadpa Raha Hai.

Sukoon Tha Mujhe Koochaye Mustafa  Mein,
Watan Mein Mera Sab Sukoon Lut Gaya Hai.

Na Dunya Ki Fikren Na Ghum Tha Wahan Per,
Yahaan Aa Kar Dil Aafaton Mein Phansa Hai.

Na Choote Mere Haath Se Unka Daaman,
Jiyu Jab Talak Ya Khuda Yeh Dua Hai.

Mein Lafzon Mein Kaise Bata Doon Kisi Ko,
Ke Kya Kya Mujhe Aaj Yaad Aa Raha Hai.

Pahadon Ki Dilkash Sitaron Ke Jalwe
Woh Manzar Mujhe Aaj Yaad Aa Raha Hai.

Unhe Choomna Haath Lehra Ke Paiham,
Woh Lamha Mujhe Aaj Yaad Aa Raha Hai.

Aqeedat Se Khaake Madina Utha Kar,
Use Choomna Aaj Yaad Aa Raha Hai.

Kabhi Deede Sarwar Ki Hasrat Mein Mimbar,
Ko Takna Woh Chup Chup Ke Yaad Aa Raha Hai.

Haseeno Jameel Pyaari Woh Jannat Ki Kiyari,
Wahan Baithna Aaj Yaad Aa Raha Hai.

Kabhi Dekh Kar Subz Gumbad Ka Manzar,
Jhukaana Nazar Aaj Yaad Aa Raha Hai.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel