Farsh Pe Reh Kar Arsh Pe Jaana Naat Lyrics

Farsh pe reh kar Arsh pe jaana
Sab ke bas ki baat nahi hai
Jaa ke Khuda ko dekh ke aana
Sab ke bas ki baat nahi hai

Fakhr se boli Dai Haleema
Godh me le kar Aaqa ko
Aamina Bi ke laal ko paana
Sab ke bas ki baat nahi hai

Eezaa sehkar haste haste
Bole Bilal Aaqa se yoon
Ishq e Nabi me kode khaana
Sab ke bas ki baat nahi hai

Kar ke ishaara mere Nabi ne
Chand ke tukde farmaya
Dooba suraj ko paltana
Sab ke bas ki baat nahi hai

Jaane Mubarak ko khatre me
Daal ke Ishq e Ahmed me
Saap ke bil me edi rakhna
Sab ke bas ki baat nahi hai

Mera Alauddin Hai Saabir
Bole sab se Baba Fareed
Bhooka reh kar khana khilana
Sab ke bas ki baat nahi hai

Yoon to taranum ke maahir hai
Laakhon Shakir duniya me
Jhoom ke aisi naat sunana
Sab ke bas ki baat nahi hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel