Dil Dard Se Bismil Ki Tarha Loat Raha Ho Naat lyrics

Dil dard se bismil ki tarha loat raha ho
Seene pe tasalli ko tera haath dharaa ho


Gar waqte ajal sar teri chaukhat pe jhuka ho
Jitni ho qazaa ek hi sajde mein adaa ho

Tum zaate Khuda se na judaa ho na khuda ho
Allah ko maaloom hai kya jaaniye kya ho

Yeh kyun kahoon mujh ko ye ataa ho ye ataa ho
Woh do ke hamesha mere ghar bhar ka bhalaa ho

Aata hai faqeeron pe unhi pyaar kuch aisa
Khud bheek dein aur khud kahe mangta ka bhalaa ho

Mangta to hai mangta koi shaahon mein dikhaade
Jisko mere Sarkaar se tukda na mila ho

Mitti na ho barbaad pase marge ilaahi
Jab khaak udhe meri Madine ki hawaa ho

Dekha unhe mehshar mein to rehmat ne pukaaraa
Aazad hai jo aap ke daaman se bandha ho

Dhoonda hi karein sadre qayaamat ke sipaahi
Woh kis ko mile jo tere daaman mein chupa ho

Shaabaash Hasan aur chamakti si ghazal padh
Dil khol kar aaina e imaan ki jilaa ho

De daaliye apne labe jaan bakhsh ka sadqa
Aye chara-e-dil dard-e-HASAN ki bhi dawa ho

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel