Darpesh Ho Taiba Ka Safar Kaisa Lagega Naat Lyrics



Darpesh Ho Taiba Ka Safar Kaisa Lagega
Guzre Jo Waha Shaamo Sehar Kaisa Lagega

Aye Kaash Madine Mein Mujhe Maut Yoon Aaye
Qadmon Mein Ho Sarkaar Ke Sar Kaisa Lagega

Aye Pyare Khuda Dekhoon Main Sarkaar Ka Jalwa
Mil Jaaye Dua To Jo Asar Kaisa Lagega

Jab Door Se Hai Itna Haseen Gumbade Khazra
Is Paar Ye Aalam Hai Udhar Kaisa Lagega

Aa Jaaye Mere Ghar Mein Agar Rehmate Aalam
Main Kaisa Lagunga Mera Ghar Kaisa Lagega

Taiba Ki Sa-Aadat To Yoon Paate Hain Hazaaron
Murshid Ka Saath Ho Jo Safar Kaisa Lagega

Paayi Munawwar Ne Kaza Dar Pe Nabi Ke
Aa Jaaye Watan Aisi Khabar Kaisa Lagega.


© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel