Darde Dil Kar Mujhe Ata Ya Rab Lyrics

Darde dil kar mujhe ata Ya Rab
De mere dard ki dawa Ya Rab

Laaj rakh le gunaahgaaron ki
Naam Rehmaan hai tera Ya Rab

Aib mere na khol mahshar mein
Naam Sattaar hai tera Ya Rab

Be sabab bakhsh de na pooch amal
Naam Gaffaar hai tera Ya Rab

Bhool kar bhi na aaye yaad apni
Mere dil se mujhe bhula Ya Rab

Khaak kar apne aastaane ki
Yoon humein khaak mein mila Ya Rab

Teri jaanib yeh mushte khaak ude
Bhej aisi koi hawaa Ya Rab

"Sabqat Rehmatee Ala Gadhabee"
Tu ne jab se suna diya Ya Rab
Aasraa hum gunaahgaaron ka
Aur mazboot ho gaya Ya Rab

Tu ne mere zaleel haathon mein
Daamane Mustafa diya Ya Rab

Kar diya tu ne Qadri mujh ko
Teri qudrat ke main fida Ya Rab

Tu Hasan ko utha Hasan kar ke
Ho ma'al-khair khaatima Ya Rab

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel