Hum Dare Mustafa Dekhte Reh Gaye
Noor Hi Noor Tha, Dekhte Reh Gaye

Padh Ke Roohul Ameen Soorae Wadduhaa
Soorate Mustafa Dekhte Reh Gaye

Wo Imaamat Ki Shab Wo Safe Ambiyaa
Muqtadi Muqtadaa Dekhte Reh Gaye

Nekon Bad Par Huwa Un Ka Yaksaa Karam
Log Acha Buraa Dekhte Reh Gaye

Kya Khabar Kis Ko Kab Jaam-E-Kausar Milaa
Hum To Unki Adaa Dekhte Reh Gaye

Ho ke Gum Aye Naseer Unke Jalwon Mein Hum
Shaane Rabbul ‘Ulaa Dekhte Reh Gaye