Chalo Dayaare Nabi Ki Jaanib Naat Lyrics

Chalo Dayaare Nabi Ki Jaanib
Durood Lab Par Saja Saja Kar
Bahaar Lootenge Hum Karam Ki
Dilon Ko Daaman Bana Bana Kar

Na Un Ke Jaisa Sakhi Hai Koi
Na Un Ke Jaisa Gani Hai Koi
Woh Benawao Ka Har Jagah Se
Nawaazte Hai Bula Bula Kar

Mein Wo Nikamma Hu Jis ki Jholi
Mein Koi Husni Amal Nahi Hai
Magar Wo Ehsaan Kar Rahe Hein
kahtayen Meri Chupa Chupa Kar

Hai Unki Ummat Se Pyaar Kitna
Karam Hai Rehmat Shi’aar Kitna
Humare Jurmon Ko Dho Rahe Hein
Wo Apne Aansu Baha Baha Kar

Yahi Asaase Amal Hai Meri
Isi Se Bigdi Bani Hai Meri
Sameta Hu Karam Khuda Ka
Nabi Ki Naate Suna Suna Kar

Wo Raahe Ab Tak Saji Hui Hai
Dilon Ka Kaaba Bani Hui Hai
Jahaan Jahaan Se Huzoor Guzre
Hai Naqsh Apna Jama Jama Kar

Agar Muqaddar Ne Yaawri Ki
Agar Madine Gaya Mai Khaalid
Qadam Qadam Khaak Us Gali Ki
Mai Choom Lunga Uttha Uttha Kar

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel