Bohot Din Ho Gaye Taiba Ke Raste Dekh To Aaye Naat Lyrics

Bohot Din Ho Gaye Taiba Ke Raste Dekh To Aaye
Chalo Us Shehr Ko Ik Baar Phir Se Dekh To Aaye

Utar Jaayegi Mehroomi Ki Chaadar Shehre Taiba Mein
Chamak Uthenge Qismat Ke Sitaare Dekh To Aaye

Judaayi Ke Dhulenge Naqsh Gehre Dil Ki Takhti Se
Chadhega Range Qurbat Wo Nazaare Dekh To Aaye

Usi Din Aarzuon Ke Khandar Mein Raushni Hogi
Dare Sarkaar Ke Raushan Ujaale Dekh To Aaye

Huzoori Ki Woh Pehli Pehli Saa’at Khoob Rulaati Hai
Nigaahon Ko Ussi Dar Ki Talab Hai Dekh To Aaye

Haseen Palkhon Ka Chilman Kholenge Jaa Kar Madine Mein
Sadaa Aankhon Mein Rakhenge Woh Jalwe Dekh To Aaye

Mehekti Khushbuen Khud Hi Pata Us Shehar Ka Dengi
Ujaagar Uttho Himmat Karlo Chal ke Dekh To Aaye

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel