Bashar Se Gair Mumkin Hai Sana Hazrat Muhammad ﷺ Ki Naat Lyrics

Bashar Se Gair Mumkin Hai Sana Hazrat Muhammad Ki
Khuda Karta Hai Khud Qur’an Me Midhat Muhammad
Ki

Khuda Se Apni Ummat Ke Liye Poocha Jo Moosa Ne
To Farmaya Ke Afzal Sab Se Hai Ummat Muhammad
Ki

Ye Rehmat Hai Ke Dete Hain Dua’en Dushmano Ko Bhi
Niraali Saari Aalam Se Hai Har Aadat Muhammad
Ki

Khuda Is Waaste Qayam Karega Bazme Mehshar Ko
Ke Dekhen Awwalin o Aakhirin Izzat Muhammad
Ki

Gunahgaron Me Kahaan Phirte Ho Sargardaan Chale Aa’o…
Tumhari Justuju Me Phirti Hai Rehmat Muhammad
Ki

Nabi Ke Naam Lewa Aane Wale Hain Thake Haare
Sajaayi Jaati Hai Is Waaste Jannat Muhammad
Ki

Malaaik Rokte Hain Is Liye Auron Ko Jannat Se
Ke Laayi Jaaye Pehle Khuld Me Ummat Muhammad
Ki

Jameele Qaadri Razvi Tumhe Kyun Khaufe Mehshar Ho
Ke Tere Dil Ke Aayine Me Hai Soorat Muhammad
Ki

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel