Basa Huwa Hai Nabi Ka Dayaar Aankhon Me Naat Lyrics

Basa Huwa Hai Nabi Ka Dayaar Aankhon Me
Sajaaye Baitha Hoon Ek Jalwa Zaar Aankhon Me

Ata Kiya Jo Madine Ke Waasion Ne Mujhe
Mehak Raha Hai Ab Tak Woh Pyaar Aankhon Me.

Ab Isse  Badh Ke Koi Surma Aur Kya Hoga
Samet Laya Hoon Me Kuch Gubaar Aankhon Me.

Baghair Dekhe Madina Inhe Nazar Aaya
Hai Munfarid Meri Aankhen Hazaar Aankhon Me.

Tadap Hai Dil Me Madine Ke Jalwa Zaaron Ki
Aur Intizaare Safar Be Qaraar Aankhon Me.

Sunaauga Woh Kahani Huzoor Ko Jaakar
Chupaaye Baitha Hoon Jo Ashkbaar Aankhon Me

Hai E’timad Bhi Iqbal Ko Shafa’at Par
Sazaa Ka Khauf Bhi Hai Gunahgaar Aankhon Me

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel