Azal Ki Khushboo Ho Jis Mein Pinhaa Naat Lyrics

Azal Ki Khushboo Ho Jis Mein Pinhaa
Koi Bataye To Naam Aisa
Wo Naame Ahmed Ke Phool Barsein
Bayaan Aisa Kalaam Aisa

Wohi Hai Qur’an Wohi Ha Furqa’n
Wohi Hai Rab Jis Ka Hai Samaa Khaa’n
Farishte Padh Padh Ke Jhoomte Hain
Durood Aisa Salaam Aisa

Hai Deene  Haq Mein Jamaale Yazdaan
Hai Arsh Bhi Jis Pe Naazaan
Wohi To Laaya Hai Deen Aisa
Wohi To Laaya Nizaam Aisa

Woh Jis Ka Saaya To Arsh Par Hai
Woh  Jis Ka Zarron Ke Dil Mein Ghar Hai
Wohi Jo Chamka To Phir Na Dooba
Wohi Hai Mahe Tamaam Aisa

Nazar Be Yaqsaan Ghulaamo Aaqa
Buzurgon Bar Tar Hai Sirf Taqwa
Koi Jahaan Mein Hai Deen Aisa
Kahin Hai Koi Nizaam Aisa



Woh Jis Andheri Gali Se Guzra
Badal Diya Noor Mein Andhera
Dilon Ki Duniya Badal Ke Rakh Di
Diya Dilon Ko Payaam Aisa

Aqeel Aisa Khaleel Aisa
Jaleel Aisa Jameel Aisa
Na Rif’aton Mein Na Azmaton Mein
Kisi Ne Paya Maaqaam Aisa

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel