Aye Shahenshah-E-Madina Assalaato Wassalaam Salaam Lyrics

Aye Shahenshah-E-Madina Assalaato Wassalaam
Zeenat-E-Arsh-E Mu'alla Assalaato Wassalaam


Rabbi Habli Ummati Kehte Huwe Paida Huwe
Haq Ne Farmaya Ke Bakhsha Assalaatu Wassalaam

Raushni Me Aamina Ne jin Ki Dekha Mulke Shaam
Wah Wah Kya Chaand Nikla Assalaatu Wassalaam

But Shikan Aaya Ye Keh Kar Sar Ke Bal But Gir Pade
Jhoom Kar Kehta Tha Kaaba Assalaatu Wassalaam

Sar Jhuka Kar Ba Adab Ishq-E Rasoolallah Me
Keh Raha Hai Har Sitaara Assalaato Wassalaam

Mo'mino Padhthe Raho Tum Apne Aaqa Par Durood
Hai Farishto Ka Wazeefa Assalaato Wassalaam

Jab Firishtay Qabr Mein Jalwa Dhikhaye Aap Ka
Ho Zabaan Par Pyaare Aaqa Assalaato Wassalaam

Mai Woh Sunni Hu Jameel-E Qadri Marne Ke Baad
Mera Laasha Bhi Kahega Assalaato Wassalaam

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel