Aye Shafi e Umam Tum Pe Behad Salaam Lyrics

Aye Shafi e umam tum pe behad salaam
Aye jameel ush shiyam tum pe behad salaam.

Jab Madine ke Maahe tamaam aa gaye
Ho gaya Kaaba kham tum pe behad salaam

La maqaa(n) k maqee(n) aap jab hain hue
Arsh zere qadam tum pe behad salaam.

Fikr e ummat mein lab par duaein rahi
Aankh rehti thi nam tum pe behad salaam.

Al madad Ya Nabi kehte hi ho gaye
Door ranj o alam tum pe behad salaam.

Phir Madine mein humko bula lijiye
Aye mere mohtram tum pe behad salaam.

Lab pe jaari ho kalma zabaa(n) par durood
Jab bhi nikle ye dum tum pe behad salaam

Gaus o Khwaja Raza ke tufail aye kareem
Rakhna mera bharam tum pe behad salaam.

Chahta hain raza Shakir-e-gumzada
Keh do raazi hain hum tum pe behad salaam.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel